Poem for Commerce Students..

"tqvt-AtkJt

(JttrKtrsgtf Ntc'tulttu vt{gttudt)

એક ઉતરેલો ચેહરો

હવાઇ ગયેલા ફટાકડાંની જેમ

બનાવે છે મને નિષ્ક્રીય.

છલોછલ હોઉં છતાં

અનુભવાય છે કશાકની અછત.

ઘટે છે ઉત્સાહનો પુરવઠો

ને નીચા ઉતરી જાય છે

આનંદના સઘળા સરેરાશ મૂલ્યો.

એવામાં મળે છે એક આછેરું સ્મિત જ્યારે,

અવલોકનની ભૂલથી ગણાયેલો

ખોટો દાખલોય ઉકલી જાય છે ત્યારે..

ને સંબંધોના સરવૈયામાં જમા થાય છે

જીવન જીવવાનુ નવું ખાતું.

હસતાં ચેહેરાઓના પાનેથી

બધુય આવક પેટે નોંધાય છે

જીવનની પાસબૂકમાં.

સરભર બની જાય છે આવક,ખર્ચ અને દેવાં.

- પણ,

પવનની જેમ બદલાતી આ દુનિયાએ

ભીતર રાખ્યો છે એક રંજ...

રોજ દેખાતા ચહેરાઓની માહિતીમાં

હસતો ચહેરો

બહુલક યા ઉઘડતી સિલક બનીને તો રહેશેને ?!

- ડો.વિજય પટેલ